Ushqimi i bebit eshte padiskutim nje nga fillimet me te bukura por edhe totalisht stresuese. Qe nga “çfare do ti pergatis,” e deri te “si do ja ofroj…”ushqimi i bebit mund te kthehet ne stres per cdo nene. 

Ka dy menyra kryesore te formes se si bebit i ofrohet ushqimi. Eshte Baby Led Weaning (BLW) mbi te cilen mund te lexoni me shume ketu  dhe menyra tradicionale ku bebet ushqehen nga prindi ekskluzivisht,  e fillojne me pure shume te holle, e gradualisht me rritjen e bebit i ofrohet forme me e trashe e purese, deri sa kalon ne shtypje me pirune e me pas ne copa te mirefillta.   

Secila metode qendron dhe ka anet e saj pozitive e negative. Dicka qe e karakterizon secilin metode ushqyerjeje eshte refleksi gag. Mbi cfare eshte refleksi gag mund te lexoni me shume ketu. Kur femijet ushqehen me BLW kane tendencen ta shfaqin refleksin gag pak me shpesh ne javet e para te ushqyerjes e me pas fillon e rrallohet deri ne zhdukje. Ndersa dicka qe e karakterizon ushqyerjen tradicionale eshte shfaqja e refleksit gag, diku te 2-3 muaj pasi bebi ka filluar ushqyerjen, pra pergjithesist muaji i 8-9. Femijet keshtu refuzojne teksturat e ndryshme te ushqimit, duke pranuar vetem pure. 

Baby Led Weaning - The

Ushqimi i bebit me copa: Cfare mund te bejme? 

Gjeja e pare dhe me kryesore eshte te kuptojme! Te kuptojme se refleksi gag nuk do te thote se bebi po mbytet apo po vjell. Eshte nje refleks natyral mbrojtes, madje jete-shpetues.

E dyta, eshte te krijojme nje ambjent sa me pozitiv per bebin gjate procesit te ushqyerjes. Gjeja e fundit qe duam, eshte t’ja bejme ushqimin stresues bebit. Perkundrazi ushqimi i bebit duhet te jete nje eksperience e bukur, e shijshme dhe zhvilluese per te. Kete mund ta bejme duke i konsumuar vaktet bashke me bebin, duke evituar TV-ne, duke mos i bere presion dhe as manipulim per te ngrene pak me shume. 

E fundit, por jo me pak kryesore, duke e lejuar ti eksploroje teksturat e reja me duar se pari. Gjasat jane qe bebi nuk do ta provoje  dhe pranoje nje teksture te re ushqimi ne goje, pa e provuar dhe pranuar ate ne dore. Keshtu para se te nxitoheni ta ushqeni, lejojeni ta preke, ta shtype, ta hedhe ushqimin e ri qe po i ofroni. Po do beje nje rremuje shume te madhe, do kerkoje shume angazhim nga ju, dhe bebi do behet shume pis… por benefitet afatgjata do te perkthehen ne nje beb me menyre te shendetshme ushqyerje keshtu mendoj ja vlen barra qerane! Po ju?